豬豬的嗜好

豬b(面圓同埋pat pat 冇sewn in label)同埋b豬(面長同埋pat pat有sewn in label)係一對孖生既豬豬，今年三歲半，品種係家豬(非食用豬，家豬既責任係：食玩訓同埋可愛)一開始時大佬豬b去左同爸爸豬係英國住，細佬b豬就係同媽媽豬住係香港。後來爸爸豬返香港後，兩隻豬豬就係媽媽豬度住。有時會去爸爸豬度住下，探望下pooh pooh。


唔好睇少呢兩隻豬豬，佢地係好有理想既豬豬，豬b係一隻「disco chu」，hip hop等舞蹈都非常到家，係一隻充滿passion既豬豬。至於b豬，性格比較文靜，作為一隻elegant既豬豬，佢既芭蕾舞非常精湛，雖然兩隻豬豬既性格一動一靜，但係相同係，佢地兩個都係非常熱血既豬豬，熱衷以身體去表現出佢地作為舞蹈家既浪漫情懷同埋對舞蹈既熱情。(好似周星馳d戲既對白.....)

(圖左：b豬，圖右，豬b)
由於佢地各自係舞蹈方面都有極高既操藝，就如同一般既藝術家一樣，為左尋求事業上既突破，佢地都不約而同咁開始係自己既舞蹈事業入面加入更多既元素，周圍去crossover。香港唔少歌手都會同管弦樂團舉行「港樂 」演唱會，馬友友既大提琴同埋郎朗鋼琴又可以crossover POP music，至於呢兩隻dancing chu，就將舞蹈配合左花式跳水項目。對豬豬黎講，跳水係有一定難度，因為豬豬係好怕水的，佢地沖涼都只係會同d龍貓一樣，碌沖涼粉，濕水係一個好大既考驗。不過作為專業既performer，為左可以更上一層樓，克服心理關口係必經既階段。於是，佢地鼓起最大既勇氣，不斷練習跳水，並將佢地既舞蹈藝術融入跳水。
佢地對於舞蹈既熱誠，不但令自己既事業屢創高峰，仲帶起左豬豬既跳水潮流，2006/9/27既都市日報，就有以下既報導：
在江蘇南京一動物園內，有豬隻表演高台跳水。當牠「勇敢」跳下去時，其他豬隻則目不轉睛地看著。
有圖為證！

對於可以引起豬豬界既跳水熱潮，兩隻豬豬都感到十分興奮，依家兩隻豬豬既最新動向，係學習韻泳，期望可將disco dancing同ballet既元素融入，進而係豬豬界推度呢兩種舞蹈以及鼓勵更多豬豬習泳。