興趣

做人既野，真係點都要有d興趣，等自己有d寄托，如果唔係日子真係會好難過。
以前都唔覺得有「興趣」係咁重要，亦都唔知自己鐘意d乜。會羡慕下其他人好多活動同埋乜都玩，又或者專注玩一樣野玩到出神入化，甚或者成為expret。諗黎諗去，自己都係鐘意hea下同埋上網，好似冇乜特別嗜好。
不過開始工作之後，就發覺現令到自己放左工之後就係「放左工」，俾自己有自己既生活都好重要。一日既辛勞或者不快(受人二分四係要受下氣的了)，再諗住真係會死。放左工真係唔想再做公司野。
興趣有時都係不知不覺咁培養出黎。由細到大都鐘意d kawaii物件既我，鐘意公仔就眾所周知，但其實我不嬲都好鐘意miniature，細個冇錢買，到大個出黎賺錢就開始身痕，再加埋有個kidult常伴我左右，外出指定動作就係去巡視業務，俾佢日夜潛而默化，再加埋佢身體力行會買玩具俾我，結果....係呢短短兩、三年間，儲左好多玩具同miniature。

香港好多新品上市，所以不知不覺間，越買越多。己經開始知道市價係咩，咩價位為知合理，邊度買平？邊度齊款？咩quality先至會睇得上眼？自己既style同埋taste又係邊類型？仲會上網bid下野tim(不過係我揀完之後由agent代bid及代交收！)
最近因為實在太多玩具了，所以要開始進行盤點，以及要開始systematic咁去manage d收藏。
雖然係好花錢，花時間，花地方，花心機，不過，原來呢個過程就係「興趣」。
情況就好似安信貸款個「收藏家」廣告咁，一個bear bear收藏家狂買熊仔，又煮飯俾熊仔食，又要改名又要慶祝生日又要買新衫又要去旅行，仲要換埋樓。呢個case係太極端，哈哈，不過我諗最開心既，係享受當中既樂趣。
這陣子既盤點行動非常快樂，有時間就搞下，得閒又會諗下點搞，非常樂在其中。
盤點行動會長期運作，下回再續。